13 ноя 20:27
Янгиликлар

Шахмат

Муҳиддин Мадаминов Tata Steel Chess 2027 турнирида иштирок этади, Бибсара ҳам!

15-31 январь кунлари Нидерландиянинг Вейк-ан-Зее шаҳрида ўтказиладиган нуфузли Tata Steel Chess 2027 турнирининг Challengers гуруҳи иштирокчилари эълон қилинди.

Ўзбекистон шарафини ушбу гуруҳда гроссмейстеримиз Муҳиддин Мадаминов ҳимоя қиладиган бўлди. Ҳамюртимизнинг рақиблари орасида Аравинд Читамбарам, Бибисара Асаубаева, Алис Ли, Алуа Нурман ва Игор Самуненков каби таниқли шахматчилар бор.

Муҳими, Challengers гуруҳи ғолиби 2028 йилги Tata Steel Chess турнирининг Masters гуруҳида иштирок этиш ҳуқуқини қўлга киритади.

Эслатиб ўтамиз, Нодирбек Абдусатторов ва Жавоҳир Синдаров 2027 йилги турнирнинг Masters гуруҳида иштирок этади.

Шу тариқа, Tata Steel Chess 2027 мусобақасида уч нафар ўзбекистонлик шахматчи ўз кучини синаб кўради.