03 июн 08:12
Янгиликлар

Теннис

Бугун Фарғонада "Фьючерс" турнири старт олади, Сабина 1-ракетка!

Бугун Фарғона шаҳридаги "Истиқлол" кортларида теннис бўйича "Фьючерс" туркумига кирувчи турнирнинг асосий тўр баҳслари бошланади.

Соврин жамғармаси 25 000 АҚШ долларини ташкил қилувчи ушбу мусобақада дунёнинг ўндан зиёд давлатидан теннисчилар иштирок этяпти. Ҳамюртимиз Сабина Шарипова турнирнинг биринчи ракеткаси сифатида сараланган.

Мамлакатимизнинг биринчи рақамли теннисчиси ўтган ҳафта Таиланддаги турнирда муваффақиятли тарзда иштирок этган эди. Сабина яккаликда ярим финалга етиб келган бўлса, жуфтликлар баҳсида мусобақа ғолибасига айланганди.

Яна бир юртдошимиз Нигина Абдураимова Фарғона турнирининг учинчи тартиб рақамли теннисчиси сифатида ҳаракат қилади.