Бугун "Ҳумо" 1/2 финал доирасида "Бейбарис"га қарши иккинчи уй ўйинини ўтказади

Аввал хабар берганимиздек, "Ҳумо" жамоаси кеча Қозоғистон Очиқ чемпионати плей-оффининг ярим финал босқичи доирасида "Бейбарис"га қарши илк ўйинда музга чиқиб, овертаймда 2:3 ҳисобида мағлуб бўлган эди. 

Бугун жамоамиз "Бейбарис"га қарши иккинчи уй ўйинини ўтказади. Мазкур уй учрашуви соат 17:00 да, пойтахтимиздаги "Ҳумо Арена"да бошланади.

Кеча шунингдек, ярим финалдан ўрин олган бошқа бир учрашув "Сариарка" - "Номад" иккинчи ўйини ўтказилиб, 4:3 ҳисобида овертаймда "Сариарка" ғалаба қозонган эди. Мазкур жамоалар ўртасидаги ўйинлар сериясида ҳисоб ҳозирча 1:1.

"Ҳумо"нинг бугунги учрашуви Sport телеканали ва YouTube платформасидаги InSportTV канали орқали трансляция қилинади.