31 янв 12:16
Янгиликлар

Хоккей

Бугун "Ҳумо" Астанада мусобақанинг яққол аустайдерига қарши сўнгги ўйинини ўтказади

Бугун "Ҳумо" хоккей жамоаси Астанада Қозоғистоннинг "Снежные Барсы" клубига қарши иккинчи сафар учрашувида музга чиқади.

Учрашув соат 18:00 да Қозоғистон пойтахтида жойлашган "Барсы Арена"да бошланади. Жамоалар ўртасида ноябрь ойида ўтказилган икки баҳснинг ҳар иккисида "Ҳумо" ғалаба қозонган эди. Кеча "қанотлилар" мазкур жамоага қарши учинчи ўйинда музга чиқиб, 5:0 ҳисобида ғолиб бўлишган эди.

Ушбу ўйинда ғалаба қозониш орқали ҳамюртларимиз иккинчи ўринни янада мустаҳкамлаб олишлари мумкин. Бугунги ўйиндан кейинги рақибимиз учинчи ўринда бораётган "Номад" жамоаси бўлади.

Бугун эса вакилларимиз "Снежные Барсы"га қарши музга кўтарилади. Бу икки жамоа ўртасида мавсумдаги сўнгги ўйин бўлади.

Ўйин YouTube платформасидаги InSportTV канали орқали трансляция қилинади.