14 фев 09:26
Янгиликлар

Қишки спорт турлари, Хоккей

Бугун "Ҳумо" чемпионатдаги сўнгги ўйинини ўтказади

Бугун Тошкентнинг "Ҳумо" клуби Олий хоккей лигаси (ВХЛ) чемпионатидаги сўнгги учрашувида музга чиқади.

Евгений Попихин шогирдлари сафарда "Рязань" клуби меҳмони бўлишади. Учрашув Тошкент вақти билан соат 21:00да бошланади. Бу "Ҳумо" учун чемпионатдаги сўнгги ўйин бўлади.

Хабарингиз бор, хоккейчиларимиз муддатидан аввал плей-офф босқичида иштирок этиш ҳуқуқини қўлга киритишганди. Бугунги ўйин олдидан "Ҳумо" 61 очко билан 7-ўринни эгаллаб турибди. "Рязань" эса роппа-роса 40 очко билан 17-поғонадан жой олган.

Эътиборга молик жиҳати шундаки, "Ҳумо" Олий хоккей лигасидаги илк тарихий ўйинини айнан "Рязань" клубига қарши ўтказган ва йирик 5:0 ҳисобида ғалаба қозонган эди.