Бугун "Ҳумо" плей-офф доирасида "Горняк" жамоасига қарши тўртинчи ўйинини ўтказади

Хабарингиз бор, "Ҳумо" бу йилги мавсумни Қозоғистон Про-Лигасида ўтказмоқда. Жамоамиз мунтазам чемпионатни 2-ўринда якунлаган эди. 

Айни пайтда "Ҳумо" мусобақанинг плей-офф босқичида ўйинлар ўтказмоқда. 1/4 финал босқичида жамоамиз "Горняк" билан ҳисоб-китоб қилмоқда. Ҳозирча мазкур қарама-қаршилик доирасида Тошкентда иккита ва Рудний шаҳрида битта ўйин бўлиб ўтди ва ушбу ўйинларнинг ҳар уччаласида ҳам "Ҳумо" ғалабага эришди. 

Бугун "қанотлилар" "Горняк" жамоасига қарши тўртинчи ўйинини ўтказади. Мазкур сафар ўйини Тошкент вақти билан соат 18:00 да, Руднийдаги "Горняк Арена"да бошланади.

Таъкидлаш жоиз, "қанотлилар" ушбу ўйинда ғалаба қозонишган тақдирда, ярим финалга йўл олишади.

Учрашув YouTube платформасидаги InSportTV канали орқали трансляция қилинади.