Бугун "Ҳумо" плей-офф доирасида "Горняк"ка қарши учинчи ўйинини ўтказади

Хабарингиз бор, Тошкентнинг "Ҳумо" хоккей клуби бу йилги мавсумни Қозоғистон Про-Лигасида ўтказмоқда.

Жамоамиз мунтазам чемпионатни 2-ўринда якунлаган эди. Айни пайтда "Ҳумо" мусобақанинг плей-офф босқичида ўйинлар ўтказмоқда. 1/4 финал босқичида жамоамиз "Горняк" билан ҳисоб-китоб қилмоқда. Ҳозирча мазкур қарама-қаршилик доирасида Тошкентда иккита ўйин бўлиб ўтди ва ушбу ўйинларнинг ҳар иккисида ҳам "Ҳумо" ғалабага эришди. 

Бугун "қанотлилар" "Горняк" жамоасига қарши учинчи ўйинини ўтказади. Мазкур сафар ўйини Тошкент вақти билан соат 18:00 да, Руднийдаги "Горняк Арена"да бошланади.

Учрашув YouTube платформасидаги InSportTV канали орқали трансляция қилинади.