Бугун “Ҳумо” яна бир Хитой клубини меҳмон қилади

Хоккейчиларимиз муҳташам “Ҳумо Арена”да Хитойнинг “КРС-БСУ” клубини синовдан ўтказишади. Учрашув соат 17:00да бошланади. Бундан аввалги турда “Ҳумо” Пекиннинг “Орджи” жамоасидан 5:2 ҳисобида устун келган эди. 

Ўйлаймизки, бугунги ўйинда ҳам мухлислар “Ҳумо”ни ёлғизлатиб қўйишмайди. “Орджи”га қарши кечган ўйинда “Ҳумо Арена”га 6500 томошабин ташриф буюрган эди.

Маълумот учун, “Ҳумо” айни пайтда ВХЛда 23 та ўйиндан сўнг 24 очко жамғарган ҳолда 22-ўринни эгаллаб турибди. “КРС-БСУ” эса 24 та учрашувдан кейин 18 очко тўплаган ва 31-поғонадан жой олган. 

Демак, бугун соат 17:00да барчангизни “Ҳумо Арена”да кутиб қоламиз. Чипталарни арена кассаларидан харид қилиш мумкин. Айтганча, бугун, 17 ноябрь куни “Ҳумо Арена” атрофида йўллар тўсилган бўлади. Шу сабабли, хоккей томоша қилиш учун метрода бориш тавсия этилади. Метронинг “Ўзбекистон” бекати Аренага энг яқин станция ҳисобланади.