Бугун Жаҳон чемпионатида рапид баҳслари якунланади. Ҳамюртларимизнинг 10-турдаги рақиблари билан танишинг

Кун доирасида рапид йўналишидаги ҳал қилувчи, 10-13-турлар ташкил этилади.

9 та тур якунига кўра, норвегиялик амалдаги Жаҳон чемпиони Магнус Карлсен 7 очко билан пешқадамлик қилмоқда. Шунингдек, словениялик Владимир Федосеев ҳамда Хитой вакили Ю Янг Йида ҳам 7 очко мавжуд.

Карлсен 10-тур доирасида айнан Федосеев билан баҳс олиб боради. Ю Янг Йига эса бу раундда Франция вакили Максим Вашье-Лаграв рақиблик қилади.

Ўзбекистонлик спортчилар орасидаги энг яхши натижа Жаҳонгир Воҳидов ва Нодирбек Абдусатторовга тегишли бўлиб турибди. Улар 9 турдан сўнг 6 очко жамғарган ҳолда турнир жадвалининг 27 ва 29-ўринларини банд этиб туришибди.

Бугун Воҳидов кунни Нидерландия вакили Ван Форест Жорденга қарши ўйин билан бошласа, Абдусатторов илк ўйинини Максим Чигаевга қарши ўтказади. Беллашувлар соат 15:00 да старт олади.

Рапид йўналиши. 10-тур. Ўзбекистонлик шахматчиларнинг рақиблари: