Бугун мактаб ўқувчилари ўртасида Осиё чемпионати бошланади

7-17 ёшли спортчилар ўртасидаги анъанавий мусобақада 15 нафар умидли ёшларимиз юртимиз шарафини ҳимоя қилишади. Улар икки кун мукаддам Боку шаҳри орқали Эронга йўл олишди. Таркибдан асосан юртимизда илк бор ўтказилган мактаб ўқувчилари ўртасидаги мамлакат чемпионатининг кумуш медал совриндорлари ўрин олишган.

Бўлажак мусобақада иштирокчилар классик, блиц ва рапид йўналишлари бўйича ўзаро баҳс юритишади. Кези келганда таъкидлаш лозим, мамлакат чемпионатида ғолиб бўлганлар жорий йилнинг ноябрь-декабрь ойларида Сочи шаҳрида ташкил этиладиган мактаб ўқувчилари ўртасидаги жаҳон чемпионатида дона сурадилар.