Бугун Муроджон Аҳмадалиев очиқ машғулот ўтказади

Хабарингиз бор, 14 сентябрь куни Япониянинг Нагоя шаҳрида биринчи ярим енгил вазн тоифасида собиқ жаҳон чемпиони Муроджон Аҳмадалиев ҳамда мутлақ жаҳон чемпиони Наоя Иноуэ ўртасида чемпионлик жанги бўлиб ўтади. Бугундан ушбу чемпионлик жангига бағишланган расмий тадбирлар бошланади. 

Бугун Йокогама шаҳридаги Ohashi Boxing Gym залида Муроджон Аҳмадалиевнинг очиқ машғулоти ўтказилади. Айнан ушбу залда Наоя Иноуэ кўп йиллардан буён шуғулланиб келади ва у айнан шу шаҳарда профессионал рингдаги саккизинчи жангида жаҳон чемпиони бўлган. 

Ҳозирда Иноуэ биринчи ярим енгил вазн тоифаси The Ring рейтингида иккинчи ўринни эгаллаб турибди. Аҳмадалиев - Иноуэ жанги Нагоя шаҳридаги 17 000 томошабинга мўлжалланган аренада бўлиб ўтади. Ушбу бокс оқшомига чипталар сотув бошланганидан 10 дақиқа ўтиб сотиб бўлинганди.