27 июн 12:30
Янгиликлар

Футбол

Бугун ўсмирларимиз Беларусга қарши иккинчи ўйинда майдонга тушишади

Беларусь пойтахти Минск шаҳрида йиғин ўтказаётган Ўзбекистон ўсмирлар терма жамоаси бугун ушбу мамлакат ўсмирлар терма жамоасига қарши иккинчи ўртоқлик учрашувида майдонга тушади.

Айнан бугунги ўйиндан сўнг Темур Олимхўжаев шогирдларининг навбатдаги хориж йиғини якунланади. Бугунги Беларусь – Ўзбекистон учрашуви Минск шаҳрида маҳаллий вақт билан соат 18:00да бошланади.

Ушбу йиғин терма жамоамиз учун шу йилнинг 15 сентябрь — 2 октябрь саналари оралиғида Ҳиндистонда бўлиб ўтадиган ўсмирлар ўртасидаги Осиё чемпионатига тайёргарлик босқич вазифасини ўтаб беради.