01 дек 15:41
Янгиликлар

Муайтай

Бугун ўзбекистонлик муай-тайчи Асламжон Ортиқов ONE Championship лигасидаги навбатдаги жангини ўтказади

Теглар : ONE Championship One FC Асламжон Ортиқов

Бугун Таиланд пойтахти Бангкок шаҳрида жойлашган "Lumpinee Boxing" мажмуасида ММА ва муай-тай бўйича One Friday Fights 43 турнири ўтказилади.

Аҳамиятлиси, мусобақа доирасида ўта енгил вазн тоифасида ўзбекистонлик муай-тай устаси Асламжон Ортиқов ҳам жанг қилади. Ҳамюртимизга таиландлик Чатанан Апичат рақиблик қилади.

Қизиғи, ҳар икки спортчи учун бу One FC лигасидаги учинчи жанг бўлади. Спортчилар ўзларининг дастлабки иккита жангида ғалаба қозонган.

Эслатиб ўтамиз, Асламжон Ортиқов сўнгги жангини 2023 йил 20 октябрь куни One Friday Fights 37 турнири доирасида Петуанин Пор Печкаевга қарши ўтказиб, муддатидан олдин ғалаба қозонган эди.

Маълумот ўрнида, бугунги турнир Тошкент вақти билан 17:30 да старт олади. Жангларни YouTube платформасидаги One Championship каналида кузатиб боришингиз мумкин.