Бугун Қозон "Катта Дубулға" турнири бошланади

Уч кун давомида дунёнинг 5 қитъаси 79 давлатидан жами 408 (244 эркак, 164 аёл) нафар дзюдочи 14 та вазн тоифасида медаллар ҳамда Токио Олимпиадаси йўлидаги рейтинг очколари учун татамига чиқади. Бугун мусобақанинг биринчи куни эркаклар -60, -66 кг, аёллар эса -48, -52 ва -57 кг вазн тоифаларида баҳсларга киришишади. 

Қозон "Катта Дубулға" турнирида 15 нафар дзюдочимиз юртимиз спорт шарафини ҳимоя қилади. Бугун Шарофиддин Лутфуллаев, Дилшодбек Баратов (иккаласи -60 кг), Дилшод Йўлдошев, Артём Штурбабин (иккаласи -66 кг) ва Сита Кадамбаева (-52 кг)га мухлислик қиламиз. 

Маълумот учун, кундузги дастур баҳслари Тошкент вақти билан соат 12:00да, медаллар учун кечадиган финал беллашувлари эса соат 19:00да бошланади.    

Қуръа натижалари

-52 кг вазн тоифаси 

Сита Кадамбаева - Алеся Кузнецова (Россия)

-60 кг вазн тоифаси

Шарофиддин Лутфуллаев - Мешал Алали (Қувайт) 

Дилшодбек Баратов - Оттар Бестаев (Қирғизистон) 

-66 кг вазн тоифаси

Дилшодбек Йўлдошев - Арам Григорян (Россия)

Артём Штурбабин - Абдулла Абдулжалилов (Россия)