02 апр 13:06
Янгиликлар

Футбол

Бугун Россия, Қозоғистон ва Беларусда биз учун муҳим учрашувлар бор

Бугунги кун доирасида Европа қитъаси чемпионатлари давом эттирилади.

Унга кўра, хорижда фаолиятини давом эттираётган ҳамюртларимиз навбатдаги тур баҳсларида иштирок этиши кутилмоқда. Хусусан, 14:00да Қозоғистон Премьер-лигаси 4-тури доирасида Игорь Сергеев тўп тепадиган "Тобол" жамоаси сафарда "Жетису"га қарши майдонга тушади.

18:00дан эътиборан эса Бобир Абдихолиқов фаолиятини давом эттираётган "Ордабаси" жамоаси "Астана" меҳмони бўлади.

Россиянинг иккинчи дивизиони ҳисобланадиган ФНЛда ҳам ўйинлар бошланмоқда. 25-тур доирасида Ҳусайн Норчаев ўйнаётан "Алания" жамоаси "КАМАЗ" майдонига сафар уюштиради.

Абдуқодир Ҳусанов ҳаракат қилаётган "Энергетик-БГУ" ҳам бугун сафарда ўйнайди. Рақиб - БАТЭ жамоаси. Учрашув 22:00да старт олади.