10 авг 10:42
Янгиликлар

Шахмат

Бугун шахматчиларимиз халқаро турнирдаги иштирокларини бошлашади

Ўзбекистон ўсмирлар терма жамоаси олтинчи жаҳон чемпиони М.Ботвинник халқаро турнирида иштирок этиш учун жўнаб кетди

Мусобақага Россия Федерацияси пойтахти Москва шаҳри мезбонлик қилмоқда. Қаторасига учинчи йилдирки, мазкур халқаро турнир Москова шаҳридаги "Космос" меҳмонхонасида ўтказилмоқда.

Михаил Ботвинник номли мусобақада Грузия ҳамда МДҲ мамлакатларидан келган ёш шахматчилар ғолиблик йўлида дона суришади. Турнирда 14 ёшгача бўлган шахматчилардан таркиб топган 11та жамоа иштирок этяпти.

Ўзбекистон терма жамоаси таркиби: Олмос Раҳматуллаев, Мирфайз Суннатов, Даврон Ўрмонов, Умида Омонова. Мураббий - халқаро мастер Владимир Николаевич Егин. Делегация раҳбари - WIM Ирина Геворгян!