21 июл 16:02
Янгиликлар

Теннис

Бугун Султонов Сеговиядаги юришини бошлайди

Испаниянинг Сеговия шаҳрида теннис бўйича Challenger 75 тоифасига кирувчи турнир бошланди.

Мукофот жамғармаси 91,250 еврони ташкил этувчи Open Castilla y Leon Villa de el Espinar турнирда ҳамюртимиз Ҳумоюн Султонов ҳам иштирок этади. Мамлакатимизнинг биринчи ракеткаси илк даврада грузиялик Саба Пурцеладзега қарши кортга чиқади.

Таққослаш учун, Султонов айни пайтда ATP рейтингида 268, Пурцеладзе эса 273-ўринни эгаллаб турибди. 1/16 финал доирасидаги ушбу баҳс бизнинг вақт билан соат 19:30да бошланади. Бу теннисчиларнинг ўзаро учинчи учрашуви бўлади. Ўтган ҳафта Ҳумоюн Испаниядаги турнирнинг илк босқичида Сабани уч сет натижасига кўра мағлубиятга учратганди. Ўтган йили ўзаро ўтказилган илк баҳсда ҳам ҳамюртимизнинг қўли баланд келганди.