Бугун Тоҳиржонова жаҳон чемпионатининг 1/2 финалига чиқиши мумкин

Жаҳон чемпионатининг соврин жамғармаси 450 000 АҚШ долларини ташкил қилади ва ғолиб шахматчи 60 000 долларга эга бўлади. Ушбу жаҳон чемпионатида юртимиз шарафини ягона вакиламиз, аёллар ўртасида халқаро гроссмейстер Гулруҳбегим Тоҳиржонова муваффақиятли ҳимоя қиляпти. 

Бугун Гулруҳбегим чорак финал босқичининг иккинчи учрашувида амалдаги жаҳон чемпиони хитойлик Цзюй Вэньцзюнга қарши дона суради. Бугун ҳамюртимиз оқ доналарда ҳаракат қилади. Чин юрти вакиласи биринчи рақам остида таснифланган ва у кеча қора доналарда дуранг билан чекланди. Агар бугун Тоҳиржонова ғалаба қозонса, ярим финалга йўл олади. 

Чорак финалнинг илк партия натижалари:

Цзюй Вэньцзюнь – Гулруҳбегим Тоҳиржонова - 0,5:0,5

Мария Музичук – Абдумалик - 0:1

Катерина Лагно – Лэй Тинцзе - 1:0

Александра Костенюк – Анна Музичук - 0,5:0,5