Бугун уч боксчимиз Осиё чемпионатидаги иштирокини бошлайди

Қитъамизнинг 21 давлатидан жами 210 нафар боксчи иштирок этаётган мусобақанинг иккинчи куни уч нафар чарм қўлқоп устамиз илк жангини ўтказади. Икки жангда Марказий Осиё дербисига гувоҳ бўламиз.

Дилшод Абдумуродов (-60 кг) Осиё чемпионатидаги юришини қозоғистонлик Бибарс Жехенга, Париж-2024 Олимпиадаси иштирокчиси Тўрабек Ҳабибуллаев тожикистонлик Абдумалик Болтаевга қарши жанг билан бошлайди. Миразизбек Мирзахалилов (-57 кг) илк давада хитойлик Диченг Ли билан тўқнаш келади. Айнан у бизнинг вақт билан соат 12:45`да боксчимизларнинг бугунги иштирокини бошлаб беради.    

Бугун рингга чиқадиган боксчиларимиз:

-57 кг: Миразизбек Мирзахалилов - Диченг Ли (Хитой) соат 12:45

-60 кг: Дилшод Абдумуродов - Бейбарис Жексен (Қозоғистон) соат 13:45

-80 кг: Тўрабек Хабибуллаев - Абдумалик Болтаев (Тожикистон) соат 14:15