Бунақаси бўлмаганди! 13 ёшли қизимиз Осиё рекордини янгилади + ФОТО

Қирғистон давлати Бишкек шахрида Осие чемпионати ўтказилди. Ушбу қитъа чемпионатида Осиёнинг ўндан зиёд давлатидан 500 нафарга яқин полвонлар иштирок этишди. Улар қаторида Воҳиддин Нажмиддинов бошчилигидаги Ўзбекистон терма жамоаси спортчилари ҳам медаллар учун кураш олиб боришди. 

Эътиборга молик жиҳати шундаки, 13 ёшли Шоҳсанам Мирфозилова 53 кг вазн тоифасидаги баҳсларда нафақат чемпионлик шоҳсупасига кўтарилди, балки Осиё рекордини янгилашга ҳам муваффақ бўлди. У 10 дақиқа ичида 16 кг тошни 137 маратоба кўтаришга муваффақ бўлди. 

Терма жамоамиз аъзоларидан +95 кг вазн тоифасида Шерали Носиров Осиё чемпиони бўлди. Фахрийлар ўртасидаги -73 кг вазн тоифаси беллашувларида Воҳиддин Нажмиддинов энг яхши натижа билан олтин медаль соҳибига айланди. Шунингдек, терма жамоамиз бош мураббийи Лочин Ҳусанов (-95 кг) ҳам Осиё чемпионига айланди. 

Ҳамюртларимиздан Элёр Урушев (-85 кг), Отамурод Туродов (-95 кг), Шоҳруҳ Ҳамидов (63 кг) ва Жавоҳир Қурбонов (95 кг) кумуш медални қўлга киритди. Темур Риболкин (-63 кг), Исматилло Аҳмедов (-73 кг), Шодилбек Эргашев (-85 кг) ва Радмир Асанов Радмир бронза медалига сазовор бўлди. 

Шу тариқа, Ўзбекистон терма жамоаси Осиё чемпионатида 4 та олтин, 5 та кумуш, 4 та бронза медали билан умумжамоа ҳисобида фахрили учинчи ўринни эгаллади.