17 май 10:38
Янгиликлар

Теннис

Бушар билан "ужин" 85 минг долларга сотилди

Канадалик теннис маликаси Эжени Бушар ўзига хос хайрия аукциони эълон қилган эди.

Унда Бушар хоним иштирокидаги ўйинни ВИП-ложадан томоша қилиш ҳамда кечки таомни биргаликда ўтказиш аукционга қўйилганди. Ушбу имкониятни ном ошкор қилинмаётган киши 85 минг доллар сарфлаб қўлга киритган.

Лотнинг бошланғич нархи 2,5 минг доллар эди. All in challenge аукциони ғолиби Бушарнинг мавсумдаги қайси ўйинига боришни ўзи танлайди. У ўзи билан яна бир кишини олиш имкониятига эга. Аукциондан тушган барча пуллар АҚШда коронавирус пандемиясига қарши кураш учун сарфланади.

"ЙИГИТЛАР!!! 85000! Сизларга гап йўқ! Бу муҳтож инсонлар учун ас қотади. Мен сизлар билан фахрланаман. Аукционда иштирок этган барчага раҳмат. Сиз энг яхши мухлисларимсизлар", - дея Twitter саҳифасида хабар қолдирган Бушар.