24 окт 15:41
Янгиликлар

Таэквондо

Бутунжаҳон армия ўйинлари. Светлана Осиповада ҳам олтин медаль!

Хабар берганимиздек, Хитойнинг Ухань шаҳрида VII Бутунжаҳон армия ўйинлари давом этмоқда.

+73 кг вазн тоифасида юртимиз шарафини ҳимоя қилувчи Светлана Осипова финалда франциялик Солене Авоулетте билан жанг қилди. Кескин курашларга бой баҳсда ҳамюртимиз 8:3 ҳисобида ғалаба қозонди ва чемпионга айланди!

Бунга қадар Осипова мусобақада италиялик Лаура Жиакоминини (9:2), россиялик Олга Музичкани (13:1) мағлуб этган эди.

Маълумот учун, кеча таэквондочиларимиздан Мадинабону Маннопова, бугун Улуғбек Рашитов олтин медалларни қўлга киритганди. Сардор Тоиров эса кумуш медалга эга чиққанди.