Бутунжаҳон Олимпиада. Нодирбек ва Ситорада бронза+ФОТО

Олимпиадада иштирок этган Ўзбекистон ўсмирлар терма жамоаси сўнгги тўққизинчи турда мусобақанинг еттинчи тартиб рақамли жамоаси ҳисобланган ҳиндистонлик шахматчиларга қарши дона сурди. Бешинчи рақам остида таснифланган терма жамоамиз баҳсни 2,5:1,5 ҳисобида ўз фойдасига ҳал қилди.

Терма жамоамиз 9та учрашувдан бештасида ғалаба қозонди. Уч бор мағлуб бўлиб, яна бир баҳсда дурангга эришди. Шахматчиларимиз якунда Туркия терма жамоаси билан 6-7 ўринларни бўлишиб олишди.

Шахсий биринчиликда халқаро мастер Нодирбек Ёқуббоев ҳамда Ситора Сапарова бронза медалини қўлга киритишди. Сўнгги турда мағлуб бўлганига қарамай, Россия терма жамоаси 8та ғалаба билан Олимпиада чемпиони бўлди. Кучли учликка Эрон ва Ҳиндистон терма жамоалари якун ясашди.

Сўнгги 9-тур:

Ўзбекистон - Ҳиндистон Blue 2½:1½

IM Ёқуббоев Нодирбек 2448 – CM Kushagra, Mohan 2174  ½ - ½

Rahul, Srivatshav P 2331 – IM Воҳидов Шамсиддин 2412  ½ - ½

Сайдалиев Саидакбар 2362 – IM Rakesh, Kumar Jena 2394 1 - 0

CM Aronyak, Ghosh 2293 – Воҳидов Далер 2250  ½ - ½