15 авг 16:02
Янгиликлар
Бокс/ММА
Бутунжаҳон ўрта вазн рейтинги тузилди, Нурсултон Рўзибоев ва Маҳмуд Мурадов унда нечанчи ўринда?
UFC Form Guide нашри ММАда ўрта вазн тоифасининг умумий рейтингини эълон қилди.
Рейтининг биринчи ўрнидан UFC чемпиони Исраэль Адесанья жой олди. Иккинчи ўринда эса ЖАР вакили Дрикюс Дю Плесси келтирилган. Учинчи ўрин ўзбекистонлик Нурсултон Рўзибоевнинг бўлажак рақиби, бразилиялик Кайо Борральога насиб этган.
Аҳамиятлиси, ҳамюртимиз Нурсултон Рўзибоев рейтингнинг бешинчи поғонасидан ўрин олган. Яқиндагина америкалик Брайан Барберенани мағлуб этган Маҳмуд Мурадов эса мазкур рейтингда 21-ўринда қайд этилди.
Маълумот учун, Нурсултон Рўзибоев кейинги жангини 4 ноябрь куни Кайо Борральога қарши ўтказади. Мурадовнинг навбатдаги жанги эса ҳозирча эълон қилинмади.
Ҳавола :
Манба : twitter.com/UFCFormGuide
Фикрлар