Бутунжаҳон шахмат Олимпиадаси. Бугун Украина ва Грецияга қарши дона сурамиз

Бир кунлик танаффусдан сўнг бугун баҳслар яна давом эттирилади. Бугун 7-турда амалдаги Олимпиада чемпиони ҳисобланган Ўзбекистон эркаклар терма жамоаси таркибида тажрибали гроссмейстерлар жам бўлган Украинага қарши баҳс олиб боради. 

Ёш гроссмейстерларимиз 6-турда Исроил шахматчиларидан 2,5:1,5 ҳисобида устун келишганди. Украина эса 45-Бутунжаҳон шахмат Олимпиадасининг 7-турида Черногория шахматчиларини 2,5:1,5 ҳисобида енгишди. Еттинчи тур олдидан Ўзбекистон 5, Украина эса 7-ўринни банд этган.

7-турнинг марказий учрашувлари:

Литва - Венгрия

Эрон - Вьетнам

ЎЗБЕКИСТОН - Украина

Сербия - Нидерландия

Армаснитон - Англия

Франция - Грузия

Ўзбекистон аёллар терма жамоаси бугун грециялик рақибалари билан ҳисоб-китоб қилади. Қизларимиз 6-турда Нидерландия билан 2:2 ҳисобида дуранг ўйнашганди. Ўзбекистон ҳам, Греция ҳам бугунги учрашув олдидан 9 очкога эга бўлиб турибди. Шахматчиларимиз 7-тур олдидан қўшимча кўрсаткичларга кўра 16-ўринни эгаллаб туришибди. Греция эса 17-поғонани банд этган.

7-турнинг марказий учрашувлари:

Ҳиндистон - Грузия

Австрия - Венгрия

Украина - Польша

Озарбайжон - Қозоғистон

Арманистон - АҚШ

Мўғулистон - Германия

Испания - Франция

Греция - ЎЗБЕКИСТОН