Бутунжаҳон шахмат Олимпиадасида кумуш медални қўлга киритган Нодира Нодиржонова ажратилган мукофотлар ҳақида: "Бундан хафаман"

"[Шахматчи қизларга автомашина берилмаганидан], албатта, хафаман. [Парижда бўлган] ёзги Олимпиада иштирокчиларини яхши тақдирлашди, паралимпиячиларни ҳам яхши тақдирлашди. Кумуш медални олишим осон бўлмади, бор кучим ва энергиямни бериб, ҳаракат қилдим", деди спортчи.

Мусобақада бронза медалларини қўлга киритган шахмат бўйича Ўзбекистон эркаклар терма жамоасига "Президент совғаси" сифатида BYD русумли автомобиллар топширилди.

34 ёшли Нодира Нодиржонова бешинчи тахтада 6 та ғалаба ва 2 та дуранг қайд этиб, ушбу тахтада кумуш медалга эга чиқди.

Маълумот учун, Ўзбекистон Республикаси Президентининг 2022 йил 5 августдаги ПҚ-347 сонли қарорига кўра, Нодиржонова Бутунжаҳон шахмат Олимпиадасида кумуш медални қўлга киритгани учун базавий ҳисоблаш миқдорининг 1000 баравар миқдоридаги пул мукофоти билан тақдирланиши зарур.