03 сен 10:35
Янгиликлар
Шахмат
Бутунжаҳон шахмат Олимпиадасини ғалаба билан бошладик
Озарбайжон пойтахти Боку шаҳрида Бутунжаҳон шахмат Олимпиадаси бошланди.
42-Бутунжаҳон шахмат Олимпиадасида Ўзбекистон аёллар ва эркаклар терма жамоалари ҳам иштирок этяпти. 17-жаҳон чемпиони Рустам Қосимжонов бошчилигидаги эркаклар терма жамоамиз Бутунжаҳон шахмат Олимпиадасини ғалаба билан бошлади.
Терма жамоамиз илк турда брунейлик шахматчиларга ҳеч қандай имконият қолдиришмади. Халқаро гроссмейстерларимиз Антон Филиппов, Жаҳонгир Воҳидов, Марат Жумаев, шунингдек, истеъдодли Нодирбек Ёқуббоевлар рақибларини мағлубиятга учратишди. Рустам Қосимжонов бу турда дона сурмади.
Бугун терма жамоамиз шахматчилари Доминикан Республикаси вакилларига қарши баҳс олиб боришади. Доминиканлик шахматчилар ҳам илк турда ғалаба нашидасини суришганди.
Ҳавола :
Манба : olamsport.com
Фикрлар