UZ

Сўнгги янгиликлар

08:29Футбол. Бугун Ўзбекистон Саудия Арабистонига қарши ўйнайди 0 08:02ММАда навбатдаги тентаклик!!! (ФОТО) 0 07:42Ёшлар ўртасида Осиё чемпионати. Бугун 11 нафар боксчимиз чорак финалда жанг қилади 0 07:19Хейнига Ломаченко керак 0 06:52Қатарликлар қизиқаётган "Наполи"нинг нархи маълум қилинди 0 21:11Волейбол: Самарқандда Ўзбекистон кубоги бўлиб ўтмоқда 0 20:50ОФК 6 та муҳим баҳсни келтирди, улар орасида Ўзбекистон - Саудия Арабистони ҳам бор 0 20:29Токио-2020 совриндорларига бериладиган гуллар тақдимоти ўтказилди 0 20:08Адесанья яна бир бор Жон Жонсни октагонга чорлади 0 19:47Перу Гран-присида 8 та медаль қўлга киритган оғир атлетикачиларимиз тантанали кутиб олинди 0 19:26Расман: "Эл Класико"нинг аниқ вақти маълум бўлди 0 19:05Хабиб Путин ҳақида: У менга жуда чарчагандек туюлди 0 18:44Тарихий натижа: замонавий бешкурашчиларимиз Олимпия ўйинларига яна бир лицензия қўлга киритишди 0 18:22Ўзбекистонлик мураббий Япониядаги нуфузли семинарда иштирок этяпти ФОТОГАЛЕРЕЯ 0 18:01Эрве Ренар: "Об-ҳаво бизга муаммо туғдириши мумкин, аммо..." 0

09 авг 07:04
Янгиликлар

Таэквондо

Бутунжаҳон таэквондо федерацияси раҳбари Ўзбекистон Миллий олимпия қўмитасига ташриф буюрди

Хабарингиз бор, айни кунларда пойтахтимизда таэквондо бўйича кадетлар ўртасида жаҳон чемпионати бўлиб ўтмоқда.

Ушбу йирик мусобақа кўплаб халқаро федерация раҳбарлари эътиборида экани шубҳасиз. Мусобақа жараёнини ва ташкилий қўмита иши билан яқиндан танишиш учун жаҳон таэквондо федерацияси раҳбари Чунг Вон Чой айни кунларда пойтахитмизда бўлиб турибди. Мартабали меҳмон кеча Миллий олимпия қўмитасига ташриф буюрди. Меҳмонни МОҚ президенти Рустам Шоабдураҳмонов кутиб олди. 

Учрашув чоғида Рустам Шоабдураҳмонов юртимизда оммавий спорт ривожи ва таэквондога қаратилаётган эътибор ҳақида батафсил гапириб берди.

Сизнинг ташрифингиз мусобақанинг нуфузини янада кўтариб берди. Муҳтарам Президентимиз Шавкат Миромонович Мирзиёев ёшларимизнинг порлоқ келажаги йўлида 5 та муҳим устувор ташаббус ишлаб чиққан бўлиб, улардан бири айнан спорт соҳасига қаратилган. Унда ёшларимизнинг бўш вақтларини мазмунли ўтказиш, оммавий спорт ва жисмоний тарбия билан шуғулланишлари учун кенг имкониятлар яратиш ғояси илгари сурилган. Зеро, соғлом авлод кучли мамлакат пойдеворидир. Сўнгги 3 йил ичида спорт билан шуғулланувчи ёшларимиз сафи сезиларли кўпайди. Сизнинг бу ташрифингиз – улкан бино қурилишига қўйилган тамал тоши. Сиздаги бой тажриба, малака ёрдамида таэквондо тараққиётини янги даражага олиб чиқамиз. Қарши бўлмасангиз, МОҚ, Жисмоний тарбия ва спорт вазирлиги, федерациямиздан бириктириладиган вакилларимиз жаҳон таэквондо федерациясининг фаолияти билан танишиб, ушбу спортни ривожлантириш стратегиясини ўрганиб қайтишса”, – деди Рустам Шоабдураҳмонов.

Ўз навбатида Чунг Вон Чой ҳам ўз таассурот ва режалари билан ўртоқлашди.

Ўзбекистонга бешинчи бор келишим. Бу галгиси менда умуман ўзгача таассурот қолдирмоқда. Биламанки, Ўзбекистон Республикаси Президенти муҳтарам Шавкат Мирзиёев узоқни кўра оладиган инсон ва шу ўринда спортга ҳам катта эътибор қаратмоқда. 2 йил муқаддам келганимда муҳтарам Шавкат Мирзиёев билан таэквондонинг Ўзбекистондаги ривожи борасида 1 соатдан ошиқ суҳбат олиб борган эдик. Ушбу спорт тараққиёти йўлида Ўзбекистон Миллий университетида (ЎзМУ) таэквондо факультети очилган. Ушбу ташрифим давомида факультет фаолияти билан яқиндан танишдим ва айтишим мумкинки, юртингизда таэквондони бу даражада ёқтиришади, деб ўйламаган эдим. Ишонаманки, бундай ҳамкорлигимиз бардавом бўлади”, – деди Чунг Вон Чой.

Шунингдек, тадбир давомида мураббий ва ҳакамлар савиясини ошириш, ЎзМУда ташкил этилган таэквондо факультетининг фаолиятини янада ривожлантириш каби истиқболли режалар хусусида музокара олиб борилди. Учрашув якунида ҳар икки томон бир-бирлари билан эсдалик совғаларини алмашишди.


Суҳбатдан сўнг мартабали меҳмон МОҚдаги Олимпия музейида ўзбекистонлик спортчилар Олимпия ўйинларида қайд этган натижалари билан яқиндан танишди.



Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг