23 сен 14:27
Янгиликлар

Бокс/ММА

Бухоро ММА бўйича навбатдаги мусобақага мезбонлик қилади

25-27 сентябр кунлари Бухоро вилоятида аралаш жанг санъатлари бўйича 16-17 ёшли ўсмирлар ва 18 ёшдан катта бўлган яккакурашчилар ўртасида Ўзбекистон кубоги баҳслари ўтказилади.

Мусобақада юртимизнинг барча вилоятлардан ўсмирлар 10 та вазн тоифасида, ёшлар эса 9 та вазн тоифасида, жами 200 нафардан зиёд спортчи ўз маҳоратларини намойиш этишади. Айтиш керакки, шу йилнинг март ойида айнан ушбу ёшдаги спортчилар ўртасида илк маротаба тарихий Мамлакат чемпионати ташкил этилган бўлса, пандемия-карантин ҳолатлари сабаб ўтган 5 ой давомида ўсмирлар ва ёшлар онлайн тарзда машғулотлар ўтказган ва ушбу машғулотларни тажрибали мураббийлар назорат қилиб боришган.

Мусобақада 19 та олтин, шунча кумуш ва 38 та бронза медаллари ўз эгаларига топширилади.

Ўзбекистон кубоги мусобақасининг саралаш жанглари 25–26 сентябрь кунлари, ҳал қилувчи жанглар эса 27 сентябрь санасига белгиланган.