Бёрнс Ковингтон ёки Масвидаль билан жанг қилиш ниятида

"Ҳозир Колби Ковингтон ёки Хорхе Масвидаль билан жанг аҳамиятга эга, менимча. Бу мен хоҳлаган икки жанг, албатта юридик муаммоларни инобатга олган ҳолда. Кутишим керак бўлса, кутаман. Менга барибир. Бу аҳамиятга эга жанглар, шу жангларда иштирок этишни хоҳлайман.

Мени нотўғри тушунманг — ҳар қандай жангчи билан урушишга тайёрман, аммо биринчи навбатда жангга лойиқ эканингни исботлашинг зарур.

Жуда кўп шуғулландим, йигитларга рейтингда кўтарилиши учун имкон бердим, лекин энди барчаси ўзгарди. Энди Колби ёки Хорхе билан жанг қилишни хоҳлайман. Шундай инсон бўлишни хоҳлардим, бунга кўп куч сарфладим. Ниҳоят бунга эришдим ҳам. Эндиликда тўлқинга тушиб олишим ва ундан фойдаланишим керак. Мухлисдарим сони ақлдан озадиган даражада. Имкониятларим, келишувларим ўзгаряпти, бу жангларимда ҳам акс этиши керак", - дея Бёрнснинг сўзларини келтиради MMA Junkie.