Candidates Women Tournament 2024. Тан Чжунъи даъвогарлар турнири ғолибаси!

Аёл шахматчилар мусобақасида ғолиба номи якунга бир тур қолганда деярли аниқ бўлиб улгурганди. Фақат бу чемпионликни расман расмийлаштириб олишди қолганди, холос. Хитойлик Тань Чжунъи сўнгги 14-турда украиналик Анна Музичук билан қора доналарда дуранг ўйнаб, якунда 9 очко билан мусобақа ғолибасига айланди. Уч нафар шахматчи - Хампи Конеру, Лэй Тинцзе ва Вайшали 7,5 тада очко жамғариб, тўртликни якунлаб беришди. 

Шу тариқа, Тань Чжунъи даъвогарлар турнири ғолибаси сифатида 2025 йилда амалдаги тож соҳиби, ватандоши Цзюй Вэньцзюнга қарши жаҳон чемпионлиги учун дона суриш ҳуқуқини қўлга киритди. 

Candidates Women Tournament 2024. 14-тур натижалари

Екатерина Лагно (FIDE) — Рамешбабу Вайшали (Ҳиндистон) — 0:1

Лэй Тинцзе (Хитой) — Хампи Конеру (Ҳиндистон) — 0:1

Анна Музичук (Украина) — Тань Чжунъи (Хитой) — 1/2:1/2

Александра Горячкина (FIDE) — Нургюл Салимова (Болгария) — 1/2:1/2.

Турнир жадвалидаги якуний ҳолат:

1. Тан Чжунъи – 9 очко

2-4. Конеру, Лэй Тинцзе, Вайшали – 7,5

5. Горячкина – 7

6. Лагно – 6,5 

7-8. Музичук, Салимова – 5,5

Candidates Tournament 2024 турнирнинг умумий мукофот жамғармаси 750 000 еврони ташкил қилди. Умумий суммадан 500 минг доллари эркаклар, 250 минги аёллар ўртасидаги турнирга тегишли бўлди. Эркакларда ғолиб 48 000, аёлларда эса 24 000 еврони қўлга киритди.