12 фев 11:27
Янгиликлар

Қишки спорт турлари, Харбин-2025

Чанғи альпинизми. Квалификациядан муваффақиятли ўтган ҳамюртларимиз финалда охирги бўлишди ва мусобақадаги иштирокини якунлашди

Хабар берганимиздек, IX қишки Осиё ўйинларининг бугунги куни доирасида чанғи альпинизми бўйича аралаш жуфтлик эстафетаси дастури ташкил этилди.

Унда Ўзбекистон терма жамоаси аъзолари Жасур Шамсиддинов ва Асила Шойимова ҳам иштирок этишди.

Вакилларимиз 12 та жамоа иштирок этган квалификация босқичида 21:51.63 вақт қайд этиб, сўнгги натижа билан финал йўлланмасига эга чиқди. Сабаби, 13-терма жамоа бўлмиш Корея Республикаси вакиллари стартга чиқишмади ва автоматик равишда қолган жамоаларнинг барчаси финалга чиқиши ойдинлашди.

Медаллар учун кечган финал босқичида эса Шамсиддинов/Шойимова жуфтлиги сўнгги ўринни банд этди.

Шу тариқа, чанғи альпинизми спорт туридаги иштирокимиз ҳам якунланди.