Чарло Головкинга бирлаштирувчи жанг таклиф қилди

"Менинг жамоам Головкин, Канело ва Андрада, яъни ўрта вазнда титулга эга бўлганларнинг барчасига мурожаат қилишди. Головкин билан жанг қиласизми? Ҳа, бу мен жуда истаётган кураш. Вақт масаласини тартибга солиш мумкин.

Агар улар катта рингда жанг қилмоқчи бўлсалар, мен ҳам катта рингда жанг қиламан. Агар улар ўз шаҳарларида жанг қилишни хоҳласалар, мен уларнинг шаҳрларида жанг қиламан. Мен жангларни танламайман, менежер эмасман", - деди Чарло You Tube`даги Premier Boxing Champions каналига берган интервьюсида.

Чарло проф боксдаги 31 та жангнинг ҳаммасида ғалаба қозонган, Головкин 41 ғалаба, битта мағлубият ва битта дуранг қайд этган.

Головкин бундан аввал икки маротаба Чарлонинг таклифини рад қилган.