Сўнгги воқеалар фонида Жермелл Чарло Хайме Мунгияни жангга чорлади

Америкалик боксчи ушбу баҳсни ўзининг туғилиб ўсган Хьюстон шаҳрида ташкил этишни хоҳлаётганини айтди.

"Мунгия билан жанг энг мантиқли вариант. Мен у билан шу ерда, Хьюстонда мамнуният билан жанг қилардим. Мексикалик мухлисларга тўла арена", деб айтган Чарло.

Чарло, шунингдек, Мексикада Сауль "Канело" Альварес иштирок этадиган бокс оқшомида рингга чиқиш имкониятини ҳам истисно қилмади. Бироқ у Мунгия жамоаси билан музокаралар бошланганини айтмаган. 

Қоидалар бўйича супер ўрта вазн тоифасида WBA чемпиони Мунгия ўзининг кейинги жангини ҳамюртимиз Бектемир Мелиқўзиевга қарши ўтказиши керак. Бироқ Хайме бу жангни хоҳламаётганини очиқ-ойдин намойиш этмоқда.