07 окт 11:13
Янгиликлар

Бокс/ММА

Мелиқўзиев WBА чемпионлик камари жанги учун ўз гонораридан ҳам воз кечмоқчи

WBА йўналишида жаҳон чемпионлик камари учун мажбурий даъвогар Бектемир Мелиқўзиев Бутунжаҳон бокс ассоциацияси (WBА) ҳамда ўз вазн тоифасидаги жаҳон чемпиони Хайме Мунгияга эътироз билдирди.

"Гонорар муҳим эмас, мен текинга ҳам жанг қилишга тайёрман. Лекин, илтимос, менга ва ушбу спорт тури қоидаларига нисбатан ҳурматсизлик қилишни тўхтатинг!

Хайме Мунгия, мен сен чемпионлик учун жанг қилишингдан олдин ҳам мажбурий даъвогар эдим. Сен чемпион бўлдинг — мен чемпион бўлганимда сенга ёки бошқа ҳар қандай боксчига нисбатан қандай ҳурмат кўрсатсам, сен ҳам менга шундай ҳурмат кўрсат!

WBА`ни ҳурмат қил, мухлисларни ҳурмат қил. Улар олдиндан натижаси маълум бўлган жангни эмас, балки ҳақиқий рақобатга бой жангни кўришни исташади!", — деб ёзди ўзбекистонлик боксчи ўзининг Instagram саҳифасида.