24 янв 14:12
Янгиликлар

Футбол

"Челси" 150 минг фунт жаримага тортилди

Лондоннинг "Челси" клуби АПЛ доирасидаги "Астон Вилла"га қарши ўйинда (1:2) юз берган нохуш воқеа сабабли жазоланди.

2025 йил 27 декабрь куни бўлиб ўтган баҳс якунида, бирмингемликлар захира ўриндиғи томон пластик идиш улоқтирилган. Натижада "Астон Вилла" ходимлари ва футболчиларининг устига суюқлик сачраган.

Меҳмонлар вакиллари идиш "Челси" мухлислари ва клуб ходимлари жойлашган сектордан отилганини кўрсатишган. Лондон клуби ўз айбини тан олди. Натижада Интизом қўмитаси "техник зонада тегишли тартиб-интизомни таъминлай олмагани учун" "аристократлар"ни 150 000 фунт миқдорида жаримага тортди.