“Челси” қишда Саудиядаги икки юлдуздан бирини ижарага олмоқчи

Лондон жамоаси Саудия Арабистонида фаолият олиб бораётган Карим Бензема ёки Роберто Фирмино билан мавсум якунига қадар шартнома имзоламоқчи. “Кўклар” икки футболчидан бирини ижарага олишни мақсад қилган.

Маълумот учун, Бензема яқиндагина “Ал Иттиҳод” машғулотларидан четлатилганди. Ҳужумчи жорий мавсум 24 та учрашувда майдонга тушиб, рақиблар дарвозасига 15 та гол уришга эришган. Шунингдек унинг ҳисобида 5 та голли узатма ҳам бор. 

Фирминонинг ишлари ҳам ҳозирча Саудияда юришмаяпти. Ҳужумчи жорий мавсум 17 та учрашувда майдонга тушган ва учта гол урган. Барча голларини илк учрашувининг ўзида уриб қўйган ва охирги 16 та учрашувда гол ура олмаяпти.