Чемпион билан эсталик учун сурат ёхуд федерация раҳбарлари терма жамоа машғулотида ФОТОРЕПОРТАЖ

Кеча кечурун ўтказилган машғулотни Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов, федерацияси раиси ўринбосари Зафар Мамажонов бевосита кузатиб боришди. Улар машғулотдан сўнг ҳар бир дзюдочи ва уларнинг мураббийлари билан суҳбатлашишди, тайёргарликлари билан қизиқишди. 

Албатта, федерация раҳбарларининг дзюдочилар билан самимий, дўстона мулоқотга киришиши, уларнинг бугунги ҳолатлари билан қизиқиши ҳар бир терма жамоа аъзосининг руҳиятини янада кўтаради. Бу эса мусобақада натижанинг ижобий бўлиши учун хизмат қилади. 

Машғулот якунида Азизжон Камилов ва Зафар Мамажонов Тель-Авив "Катта Дубулға" турнири ғолиби Шарофиддин Болтабоев билан эсталик учун суратга тушишди. Бундай онлар Тошкент "Катта Дубулға" турнирида кўп бўлишига умид қиламиз.