Ченду-2021, Таэквондо. Мусобақа мезбонлари биринчиликни ҳеч кимга бермаяпти, аёллар терма жамоамиз кумуш медални қўлга киритди!

Бироз аввал, Ўзбекистон аёллар терма жамоаси ярим финалда Кореяни мағлуб этган ҳолда финалга йўл олганини маълум қилган эдик. Финалга қадар АҚШ, Хитой Тайпейи, Корея каби кучли терма жамоаларни мусобақадан чиқариб юборган қизларимиз бу сафар мусобақа мезбонлари — Хитой термаси билан тўқнаш келди. Жангда ишончли ҳаракат қилганига қарамай, термамиз имкониятни бой бериб қўйди - 23:56.

Бу Ўзбекистон таеквондо терма жамоасининг мусобақада қўлга киритган бешинчи кумуш медали бўлди. Термамиз ҳисобида, шунингдек, иккита бронза медали ҳам мавжуд. 

Ўзбекистон делегацияси ҳисобида эса ҳозирча 8 та кумуш ва 4 та бронза медали бор.

Маълумот учун, бу таэквондо терма жамоамиз вакилларининг Ченду Универсиадаси доирасидаги сўнгги чиқиши бўлди.