Чим устида хоккей. Польшага ютқаздик, бугун Россияга қарши ўйин

Ушбу мусобақанинг аҳамиятли томони шундаки, унда иштирок этаётган терма жамоалар Токио 2020 Олимпиадаси лицензиясини қўлга киритишлари мумкин бўлади. Баҳсларда Ўзбекистон терма жамоаси аъзолари ҳам иштирок этишмоқда. 

Кеча йигитларимиз илк турда Польша терма жамоасига қарши ўйин ўтказиб, 0:4 ҳисобида имкониятни бой беришди. Гуруҳдаги иккинчи ўйинда мезбон Ҳиндистон терма жамоаси Россияни 10:0 ҳисобида мағлуб этди. 

Бугун вакилларимиз Россия терма жамоасига қарши майдонга тушадилар. Учинчи ўйин 10 июнь куни Ҳиндистонга қарши бўлиб ўтади. 

Маълумот учун, гуруҳда биринчи ўринни эгаллаган жамоа ярим финалга йўл олади ва курашни давом эттиради. Гуруҳ босқичи якунлангач, "Б" гуруҳидаги терма жамоалар (АҚШ, Япония, Мексика ва ЖАР) ҳам баҳсга қўшилади. 

Биринчи ўринни эгаллаган терма жамоалар тўғридан-тўғри ярим финалда баҳс олиб боришса, гуруҳни иккинчи ва учинчи ўринда якунлаганлар ўтиш ўйини орқали ярим финал йўлланмаси учун курашадилар. Финалга чиққан терма жамоалар Токио Олимпиадаси лицензиясини қўлга киритишади.