09 мар 12:59
Янгиликлар

Хоккей

Чим устида хоккей терма жамоамиз Жакартага жўнаб кетди

Индонезия пойтахти Жакарта шаҳри чим устида хоккей бўйича эркаклар терма жамоалари ўртасида Осиё хоккей федерацияси кубоги мусобақасига мезбонлик қилади.

Ушбу нуфузли спорт анжуманида Ўзбекистон эркаклар терма жамоаси ҳам иштирок этиш истагини билдирган.

Терма жамоамиз аъзолари куни кеча Жакарта шаҳрига етиб боришди. Мамлакатимиз спорт делегацияси таркибидан жами 23 киши ўрин олган бўлиб, шундан 18 нафарини спортчилар ташкил қилади.

Ўзбекистон спорт делегациясига чим устида хоккей федерацияси масъул ходими М.Юнусов раҳбарлик қилмоқда. Терма жамоамизни эса мусобақага катта мураббий Марсел Аскаров тайёрлаган.

Осиё хоккей федерацияси кубоги учун ўтаётган мусобақа вакилларимиз учун йилнинг энг асосий старти – ХIХ ёзги Осиё ўйинлари олдидан ўзига хос кўрик вазифасини ўтаб беради.