17 июн 14:17
Янгиликлар

Бокс/ММА

Чимаев фаолиятини якунлайдими? Унинг менежери жавоб берди

Матбуотда шифохонага тушиб қолган Хамзат Чимаевнинг фаолиятини якунлаши ҳақида хабарлар тарқалмоқда.

Чеченистонлик аралаш яккакураш устасининг менежери Махди Шаммас бу хабарларга ўз муносабатини билдирди. Унинг айтишича, Хамзат Чимаев фаолиятини якунламайди. Аввалроқ, БАА шарафини ҳимоя қилаётган Чимаевнинг 22 июнь куни австралиялик Роберт Уиттакерга жанги бекор қилинганди. Касалхонага тушиб қолган Хамзатнинг ўрнини қисқа фурсатда россиялик Икрам Алискеров эгаллаган эди.

"Хамзат фаолиятини якунлашни ўйламаяпти. У касалликдан тўлиқ фориғ бўлганидан кейин бошлаган ишини якунлаш учун қайтади", — дея Шаммаснинг сўзларини келтиради ТАСС.