12 сен 12:07
Янгиликлар

Бокс/ММА

Чимаевга қарши жангига 6 ҳафта қолган Пауло Коста бугунги ҳолатини кўрсатди ФОТО

Ўрта вазн (84 килограммгача) тоифасида UFC чемпионлик камарига собиқ даъвогар Пауло Коста навбатдаги жангига тайёргарликни давом эттирмоқда.

Бразилиялик аралаш яккакураш устаси 21 октябрь куни БАА пойтахти Абу-Даби шаҳрида ташкил этиладиган UFC 294 турнири доирасида швециялик Хамзат Чимаевга қарши октагонга кўтарилади.

"Кучли ва келишган. Гўёки сирли шарбат!" — дея ўзининг ижтимоий тармоқдаги саҳифасига сурат ва унинг остида изоҳ қолдирган Коста.

Маълумот учун, 32 ёшли Пауло Коста 2017 йилнинг март ойидан бери UFC байроғи остида ўз жангларини ўтказиб келяпти. 2020 йилнинг сентябрь ойида у ўрта вазн чемпиони Исраэль Адесанья билан жанг қилиб, иккинчи раундда техник нокаут эвазига мағлубиятга учраган эди. Сўнгги жангини эса UFC 278 турнирида америкалик собиқ чемпион Люк Рокхолдга қарши ўтказиб, ғалабага эришган. Паулонинг ММАдаги натижаси - 14 ғалаба, 2 мағлубият.