02 окт 12:06
Янгиликлар

Теннис

China Open. Энди Маррей 13-ракеткани таслим этди

ATP рейтингида 503-поғонадан жой олган Энди Маррей Пекин турниридаги иштирокини ғалаба билан бошлади.

Британиялик теннисчи биринчи давра учрашувида дунёнинг 13-ракеткаси италиялик Маттео Берреттинига қарши кортга чиқди. Маррей 2 соату 1 дақиқа давом этган баҳсда кучли рақибидан устун келди - 7/6(2), 7/6(7).

Энди баҳс давомида 8 та, Маттео эса 5 та эйс зарбасини амалга оширди. Бу теннисчиларнинг ўзаро илк учрашуви эди. Маррей энди China Open мусобақасининг иккинчи босқичида ватандоши Кэмерон Норрига қарши кортга чиқади.