China Open. Каролин Возняцки 1/4 финалга чиқди

Сайёрамизнинг 19-ракеткаси Каролин Возняцки China Open мусобақасининг учинчи даврасида ғалабага эришди. Даниялик теннис маликаси рейтингнинг 47-поғонасида бораётган чехиялик Катержина Синяковага қарши кортга чиқди ва рақибасини 7/5, 6/4 ҳисобида мағлубиятга учратди.

Учрашув 1 соату 37 дақиқа давом этган. Даниялик теннисчи ўзаро учрашувлардаги ҳисобни йириклаштирди - 4:1. Каролиннинг чорак финалдаги рақибаси айни дақиқаларда россиялик теннисчилар - Дарья Касаткина ва Екатерина Александрова ўртасида ўтказилаётган учрашувдан сўнг маълум бўлади.