23 дек 13:40
Янгиликлар

Дзюдо

Чирчиқда дзюдо бўйича пойтахт вилояти чемпионати бошланди

Бугун, 23 декабрь куни Чирчиқ олимпия ва паралимпия спорт турларига тайёрлаш марказида дзюдо бўйича 2003-2004 йилларда ҳамда 2006-2008 йилда туғилган ўғил болалар ва қизлар ўртасида Тошкент вилояти чемпионати старт олди.

Вилоятнинг ўндан ортиқ туман ва шаҳарларидан 200 нафарга яқин ёш дзюдочилар иштирок этаётган мазкур чемпионатда дастлаб, тантанали очилиш маросими ташкил этилди. Шундан сўнг беллашувларга старт берилди.

Мусобақа регламентига мувофиқ, бугун 2003-2005 йилда туғилган ёшлар ўртасида 7 та вазн тоифасида ғолиблар аниқланса, эртага 2006-2007 йилларда туғилган спортчилар 7 та вазнда ўзаро куч синашишади.

Ўз навбатида ушбу вилоят чемпионати 2023 йил 12-15 январь кунлари Тошкент шаҳри мезбонлик қиладиган мамлакат чемпионатига саралаш вазифасини ўтаб беради.