15 авг 11:28
Янгиликлар

Теннис

Циципас “Мастерс”даги илк учрашувидаёқ мағлуб бўлди

Грециялик теннисчи Стефанос Циципас АҚШнинг Цинцинатти шаҳрида ўтказилаётган “Мастерс” сериясига кирувчи турнирдаги иштирокини муддатидан анча аввал якунлади.

Сайёрамизнинг еттинчи ракеткаси бўлиб турган Циципас ўз иштирокини иккинчи даврадан бошлади. У ATP рейтингининг 36-поғонасидан жой олган германиялик 29 ёшли Ян-Леннард Штруффга қарши кортга чиқди.

21 ёшли Стефанос 2 соату 14 дақиқа давом этган баҳсда рақибига имкониятни бой бериб қўйди - 4/6, 7/6(5), 6/7(6). Циципас 14, Штруфф эса 16 та эйс зарбасини амалга оширган. Икки теннисчининг ўзаро учрашувларида мувозанат тикланди - 2:2.

Энди Ян-Штруфф Western & Southern Open турнирининг нимчорак финал учрашувида россиялик Даниил Медведевга қарши баҳс олиб боради.