20 янв 13:11
Янгиликлар

Бокс/ММА

Cобиқ UFC чемпиони Олейникни октагонга чорлади

Оғир вазн тоифасида собиқ UFC чемпиони Фабрисиу Вердум россиялик Алексей Олейникка "вызов" ташлади.

Олейник кеча тонгда ўтказилган UFC 246 турнирида Морис Гринни мағлубиятга учратган эди. Алексейнинг жанги Конор - Серроне оқшоми доирасида ўтказилганди.

"Алексей, сени ғалаба билан табриклайман. Сенга ҳурматни сақлаган ҳолда шуни айтишим керак-ки, менинг жиу-житсуни ўзлаштиришим сеникидан яхшироқ. Ишонмасанг, буни октагонда текшириб кўрамиз. Сен менинг UFCга қайтиш оқшомимнинг махсус меҳмони бўлишинг мумкин", - дея ўзининг Твиттер саҳифасида хабар қолдирган Вердум.

Таъкидлаш жоиз, Вердум - Олейник жанги 2018 йилнинг сентябрь ойида Москвада ўтказилиши керак эди. Лекин жангга бир неча кун қолган бир пайтда Фабрисиунинг организмида тақиқланган модда борлиги аниқланган ва Вердум икки йилга дисквалификация қилинган эди.