27 май 14:01
Янгиликлар

Бокс/ММА

Собиқ UFC жангчиси Алексей Олейникни нокаут қилишди

Хабар берганимиздек, Москва шаҳрида "Бойцовском клубе РЕН ТВ" аралаш яккакураш шоуси бўлиб ўтди.

Россиялик оғир вазн тоифаси вакили Алексей Олейник кутилмаганда британиялик Оли Томпсонга нокаут эвазига мағлуб бўлди. Олейник дунёнинг энг кучли лигасида 8 йил давомида жанг ўтказганди. Ўтган йилнинг октябрь ойида UFC россиялик жангчи билан шартномани узайтирмади.

Биринчи раунднинг иккинчи дақиқаси йигирма саккизинчи сонияси ўтиб бораётган бир паллада Томпсон ўнг томондан берган кучли зарбаси билан номдор рақибини чуқур нокаутга учратди. Оли ушбу ғалабаси эвазига ташкилотнинг чемпионлик камарини қўлга киритди.

Жанг якунланганидан сўнг Томпсон реванш ҳақида берилган саволни жавобсиз қолдирди.

"Реванш масаласини эртага муҳокама қиламиз, бугун эса менинг куним", - деди британиялик.