Coca Cola Суперлига. Бугун "Навбаҳор" - "Машъал" ва яна иккита ўйин бор

Coca Cola Суперлига. 11-тур
НАВБАҲОР – МАШЪАЛ
22 август 2020 йил. Тошкент. "Жар" стадиони. 18:30 (Спорт ТВ LIVE)
Ҳакамлар: Вадим Агишев, Сардор Нишонбоев, Аваз Абдуллаев, Ҳусан Музаффаров
Назоратчи: Андрей Тамбовцев
Комиссар: Зоҳид Акрамов

Бу жамоалар ҳозирга қадар 34 бор ўзаро ўйин ўтказишган. 14 марта "Машъал", 13 марта "Навбаҳор" ғолиб бўлган. Қолган 7та учрашувда дуранг қайд этилган. Клублар Ўзбекистон чемпионатида сўнгги бор 2017 йилда тўқнаш келишганди. Ўша мавсум қайси жамоа ўз майдонида ўйнаса ўша ғолиб бўлган.

"Машъал" иккита ўйиндан буён ютқазмаяпти ва ўз дарвозасига гол ўтказгани йўқ. "Навбаҳор"нинг ҳам мағлубиятсиз серияси иккита ўйинга етди.

БУХОРО – СУРХОН
22 август 2020 йил. Бекобод. "Металлург" стадиони. 18:30 (Дунё Бўйлаб ТВ LIVE)
Ҳакамлар: Равшан Абдувоҳидов, Зуфар Элибоев, Фарҳод Усмонов, Санжар Назаров

Назоратчи: Маъмур Саидқосимов

Комиссар: Ойбек Юнусов

Ушбу икки клуб Ўзбекистон чемпионатида ҳозирга қадар 26 бор ўзаро ўйин ўтказишган. 15 та учрашувда "Бухоро", 7 та ўйинда "Сурхон" зафар қучган. Яна 4 та учрашувда ғолибни аниқлашнинг имокни бўлмаган.

Ўтган мавсум иккала ўзаро ўйинда ҳам Термиз клуби ўз дарвозасидан гол ўтказмай (Термизда 1:0, Бухорода 2:0 ҳисобида) ғолиб бўлган. "Бухоро" бу мавсум 10та ўйиннинг ҳеч бирида ғалаба қозонгани йўқ. "Сурхон" эса охирги икки турда мағлуб бўлмади.

МЕТАЛЛУРГ – ҚИЗИЛҚУМ
22 август 2020 йил. Тошкент. "Пахтакор" стадиони. 19:00
Ҳакамлар: Раҳимбек Каримов, Санжар Шоюсупов, Алишер Усмонов, Аскер Нажафалиев
Назоратчи: Константин Смирнов
Комиссар: Эркин Бахтиёров.

Мазкур клублар бунга қадар Ўзбекистон чемпионатида 40 бор тўқнаш келишган. 15та учрашувда Навоий клуби, 14 та учрашувда Бекобода клуби 3 очко соҳибига айланган. 11 та ўйинда дуранг қайд этилган.

"Металлург" бу жамоага қарши кечган охирги 4 та ўйиннинг ҳеч бирида ютқазмаган - 3та ғалаба, 1та дуранг. Сўнгги бор "Қизилқум" Бекобод клубини 2017 йилда мағлуб этганди. Агар фақат "Металлург" мезбон бўлган ўйинларни ҳисобга олсак охирги марта "Қизилқум" 2009 йилда бу жамоани мағлуб этган экан.